قصيدة نور الامل

 

يا جعل من صابة من الدنيا هموم

يعطــه ربي لـه سعـــادة ويغنيـه

ويجعل حياته في مسرات وسلوم

والرزق مـن وآلي المقـادير ياتيــه

الصبـر مفتـاح الفـرج دايم الدّوم

على الشـدايد والولي مـا يخليـــه

دنيـا تبي صامل على العزم وحزوم

واللي مـع الله مـايخيب مسـاعيـه

لا تشتـكي للي مـن الخـير محـروم

ارفـع يدينـك للكـريم وتنـاجيـــه

مـن يرتجي ربـه فـلا هـوب مهزوم

يمحي عظيـم الذنب والهم يجليه

والوقت لو شـانت ليـاليـه ميـدوم

بكـرة يزين الحـظ والرب يعطيـــه

نور الامـل يسطـع مثل لامع انجوم

في قلب مـن يطـرد سـرابه بتاليـه

الشاعر / 

فهد بن عبدالله الروضان التميمي

تاريخ القصيدة: 8 فبراير 2026م

سناب شات: f515f@