ديوان الشاعر فهد بن عبدالله الروضان التميمي

  يا سليـل المجد يا طهر النما يا ذرا دارٍ    ملكـت أترابهــــــا من زبن في ظلكم نال الحمى والعـدا يا ويلهـم مــن نابها دون حــد الـدار لو احدٍ رمى نرخـص الأعمــار يا كسابهـا شعبك الوافي ولمرك مقدما بيعــة بالـدم صــان كتـابهـا ما يهاب المـوت ولاهو يندما لابـة تفخـر بطيب أنسـابهــا السعودي للشدايد لك سمـا قمـة محـدن وصـل مرقابهـا تحت راية من حكم ثم احتمى الشــريعة لا بسٍ جلبــابهـــا الشاعر /  فهد بن عبدالله الروضان التميمي سناب شات: f515f@ بتاريخ: 1 /3/ 2026م

  يا ضمــيري لو كشفت الخفـايا والغيوب كان ما شيدت صرح الثقة في مـن نسـاي وكان ما ضاع صـــدقٍ المشاعر في دروب تجمـع أشبـاه الصحيب وتفـرق في غلاي يا كثر من يلبس ثياب غــدره صـدق ثوب هو يبيت لي طعـون الغـدر خلـف انزواي في رخا أيام التبـاهي يذوب الوجــه ذوب يفـرش دروبي مـديحٍ ويطمـع في رضـاي وان بدالي لازمٍ شفـت مــن نوره غــروب وان جليت الهــم جـاني يزيد منه شقاي الوفـا في شـرعهم صـار ذنبٍ مـن ذنوب والخـيانة أصبحت عنـد غـاويهـا منــاي عـزتي تمنـع عيـوني تفيض من الخطوب لـو تضيـق بها الفجـوج وتكاثر لي عـداي أذبح كبـار الهقـاوي على جمـر الوجـوب وأكتــم العـبرة بصـدري وأخفيهـا وراي أكتشفت أن القمم سجنها ضيق القلوب وأن طيــبي في زمـاني هـو لّي اكبر خطاي الشاعر /  فهد بن عبدالله الروضان التميمي سناب شات: f515f@

  يا وقت لو تنشدني عن عقد الامال مـا عــاد لي في مقبــلاتك وفـايق أجـر صـوتي والصـدى جـر مـوال من صدر من هو من زمانه تضايق يا ناشـدي عن لوعة الحال والفال كف السـؤال وخلـني في الحقايق ما كل من يضحك من الهـم رجال بعض الوجـيه بصمـتها لـه بوايق سـري دفين والعـنا فوقـه جـبال والصـبر مُــر في حلـوق الـذوايق أطوي فيافي الحزن وأشيل أثقـال وأجـوز عن طـرد السراب اللوايق عفت الكـلام وعفت قيل مع القال في عــالــم ما يعـرفون الــوثايق قلـبي كمـا طيـر بلا ريش يحـــتال يرجي سحاب جاد وسط الوهايق تبقى الحشيمه للرجل وين ماطال صبــره على جور السنين العوايق يا الله يالمعبـود في كل الأحـــوال عـلام ما تخفي الصـدور الضوايق الشاعر /  فهد بن عبدالله الروضان التميمي سناب شات: f515f@ بتاريخ: 26 فبراير 2026م

  زين الهـوى لا صـار للروح منهـاج في عفـة تسقي القلـوب الكـريمة مثـل الغمام اللي على القفر ثجاج يحيي هشيم الروح عقب الهزيمة يرفع مقامك فوق ما يلحقك ساج كنـه على صـدر المعـالي وسيـمة هـذاك عشق فيـه للضيق مخراج طهر النفوس الوافية والحشيمـة وشين الهـوى لا صـار هم وإزعاج ذل يسـوق النفس يـم الظليــمة غـدر يعل القلب ويطفي اســراج ويترك قصـور الود قفـرا عـديمـة كنٌـه سراب خـان من كان محـتاج يقطع حبال الوصل عقب العزيمة بئس الغــرام اللي بنيتوله سيــاج يهـوي بصـاحبها لـدار النـديمــة الشاعر /  فهد بن عبدالله الروضان التميمي سناب شات: f515f@

  زين الهـوى لا صـار للروح منهـاج في عفـة تسقي القلـوب الكـريمة مثـل الغمام اللي على القفر ثجاج يحيي هشيم الروح عقب الهزيمة يرفع مقامك فوق ما يلحقك ساج كنـه على صـدر المعـالي وسيـمة هـذاك عشق فيـه للضيق مخراج طهر النفوس الوافية والحشيمـة وشين الهـوى لا صـار هم وإزعاج ذل يسـوق النفس يـم الظليــمة غـدر يهـد الصرح ويطفي السراج ويترك قصـور الود قفـرا عـديمـة كنٌـه سراب خـان من كان محـتاج يقطع حبال الوصل عقب العزيمة بئس الغــرام اللي بنيناله سيــاج يهـوي بصـاحبها لـدار النـديمــة الشاعر /  فهد بن عبدالله الروضان التميمي سناب شات: f515f@

  يا ناعس الطرف يا فخر العـذارى الحسان يا حظ من صرت في دنيـاه حلــم ونصيب عينٍ كما الموت في حــد السيوف السنان والرمش ريشٍ صمى قلب اللبيب النجيب قــدٍ كما العسجــد اللي صــافيٍ بالبيـان أو برق غيـــمٍ ســرى في ليلنا المستريب والثغر جمــرٍ غضى في وسط غصن اللبان يسلب عقــول العرب والقلب ماله طبيب والقـد غصـنٍ تمـايل مــع هبوب الزمـان طــولٍ مهــابٍ ورسـمٍ في قبــالــه رهيب يا منبـع الطـهر والاصـل الرفيـع المصـان بنت الشيـوخ الكـرام وساس مجـدٍ عريب فيهـا حـنان السحــابة والوفــا والامــان والصــدق في حبهـا شمسٍ أبد مـا تغيب حسن الطبـايع كمل في وجهك اللي يبـان كنـك فريـدة دهــر في وصفهــا ما يعيب كـل الـذي فيـك زين وصــاغه المستعان خـالـق جمـالك كمـل يا لـؤلـؤٍ في مغيب لك في سـويداء خفوقي منزل ولك مكـان يا أغلى هنـوفٍ غــلاها في فــؤادي لهيب الشاعر /  فهدبن عبدالله الروضان التميمي 1997م