ديوان الشاعر فهد بن عبدالله الروضان التميمي

  يقول الشاعر عبدالعزيز عبدالله الضويحي اعجبتني ابيات  الشاعر فهد بن عبدالله الروضان التميمي بجزالتها واصالتها حيث يقول  يا قلب    طيبك     للبشر واضح    ٍفيك وبعض  البشر   ياقلب  ما ينفعونك! خلك على    طيبك    مع اللي    يصافيك ودعس على اللي  همهم  يحقرونك! يا قلــب لا ترحــم عــدوٍ  يعـاديـك حتـى ولو صار اقرب النـاس  دونـك فهدالروضان التميمي ------------------ فقلت هذه الابيات يافهد ابن روضـان مافيك تشكيك رايتك بيضــاء والعـرب يعـرفونك انت البـروق وعنــدنا دوم نغليـك والمنتدى الشامخ زهت به فنونك اترك كــلام الجاهل اللي يعــاديك مــا دام حنـا بالمهمــات عـونــك عبدالعزيز عبدالله الضويحي محافظة مرات

 جاكم خبرموتي  قبل تطلع  الـــروح وشلون  بدلتـــو  حيـــاتي   بمـــوتي  لو كان    في موتي للاحبــاب مصــلوح  كان اول اعلنتـــه   عليهــم.  بصـوتي  لاشك ماوجدي على  فقدي.  النـــوح ماغير تفـــرح  به  عليـــه.  شمـــوتي  لو صحت  من قلبٍ   صوبٍ  ومجروح يضيع صوتي في وسيــع الخبــــوتي كملي  وانا اسهر صابة  ا لعين   ذرنوح الدمع   يسقيني   والأحـزان قـــــوتي  اول على  حب  الغنادير  مشفـــــوح  واليوم  ابمسح  من هواهن  كــروتي       فهد الروضان التميمي              1988م

القصيده تتكلم عن قصر الملك عبد العزيز يرحمه الله في محافظة مرات الغاليه واللذي هدم وبني بدل عنه مقر للشرطه لاهالي المحافظة .وصلني  خبر في حينه من الاستاذ عبدالله المجلي ابو ماجد هو احد من المسؤلين من الاهالي مرات على انهم عازمون بأذن الله على اعادة بنائه بنفس الطراز  السابق وارجاعه على ماكان عليه في الماضي على وقت المغفورله الملك عبدالعزيز طيب الله ثراه  هاضت مشاعري وصدحت بهذه الابيات اتمنى ان تنال أعجاب الجميع أقول:  ياقصـر يالـلي  لا ذكـــرتك.  تمنيت  انـي اشـوف احصـونك العاليـاتي   قصـر جنـوب كميت  لامن.  تعليت  شفتـه لــه ابراج علت   شـامخاتي   ملفا لبو تركي على اسمه تسميت  شيـخ بنـا مجــد رقـى  النـايفاتـي   عبدالعزيز اللي على طيبه الصيت  ليـمن لفـى الـديره  لقالـه.  مبـاتي دار الكــرم والعـــز.  لامــن.   تعنيت ياللــي تلوم القلب ويش  السواتي فيــها بيوت الجود بيت  ورى بيـت  طيب الحياة  وصيت  بعد   المماتي مرات قلبٍ  ينبض الشوق  لا ابطيت ...

 قلبٍ غلبـــه الشوق يصدح مواويل  بين الغـزل  ولوصف   والمـدح  كلّــه يازيـن طلّتها كمـا نجمــة   سهيـــل  مـدح  الغلا مـع طيّب  الكيف   فـلّـه يامن تلوم القلب وتبحث  عن القيل  لا لا تلــوم   القـلـب   جعـلـه   فـدلّـه  مـاتنفع القـولات وكثـر.  التقاويـــل  انا حـروفـي   تاصــله   مــدحــةٍ لـه عليــه  شعــر من  تثــر  كنـه  الليــل  الزّيــــن واضــح ثابتٍ   فـي   محله  تسلسلت منـي  قـــوافي  تعاليــــل شفته على الصّوره وعقلي فطنــلّه فهدالروضان التميمي ديسنمبر 2024م

 اقول: يا كاتب الحـزن دوّر  للفـرح ابيـات  ياعلّهـا تشفي احزانك من اقصاها   بـدل شعـورٍ بنيتــه  داخلك   مـرّات  الله كفـاني  من  احـزانك   ومطّـراها   دور عـن اللي  يسـرك اكثر  الحـزات جنب دروبٍ  عسيـره نار   تصـلاهــا  يا سامر الحزن قرّب انشدك بـذات وش اخر احزانك قلّي كيف تنساها   فهدالروضان التميمي 2024م

 الا يـا مرحبــا باللــي جماله شــدّ كــل الناس  قبــل ما تتجـه صـوبي ريــح العطـر سـابقهـا  عظــمٍ عطرها الـدافي قـوي   يستمخ    الــراس  علـى قولة  تـرى يافـلان سعيد اللّـي يجالسها الا يامـرحبــا يازينــة الاحسـاس.  والمجــلاس  اقـــدملك تراحيـبٍ لّــي   موزونــه.   ودارسهــا  عليك الله ومان الله مــن  الحســادو.  الانجـاس  يحفظك من عيون الناس بمانك ونت  حارسها  فهد الروضان التميمي 2024م

 من بغى قربك يسوي المستحيل  من يشوف انك خساره اخســـره  من نوى هجرك وعــزّم  بالرحيـل  البقى فــي راس منهــو  يذكـــره  فهد الروضان التميمي 2025/1/1م

  يا خـاطـري لاشفت شــيٍ تمنــاه مالك عن المقسوم.  ميـله.  وحيـله  ياخاطـري طالبك  ميــل  وتسـلاه   دربٍ  يعــلّ القلـب  احذر.  تجيـلـه خل الهقاوي عنك لاتجيب  طرياه ترا عـذاب القلـب  صعـبٍ  تشيلـه  فهد الروضان التميمي 2025/1م

  يا بحــر جــدة  ترا عنـدك  أمـانـــه    خل موجـك راكــدٍ لـه في هـــداوه  من  نسيمك انعش الجالس مكانـه ومن برادك يا بحــر زيــده طـــراوه  نـاقـش الكفيـن عمهـوج ورزانـــــه  قلــبٍ ابيـض طيّـبه طِيبـة نقــــاوه يا بحـر جــدة ترا غــدرك خيـانــــه  لا تنكـــد جــوّهــا خلّك  حــــــلاوه      فهد الروضان التميمي 2000م

  طهور يا من دباهـــا البــاس وذّاهــا   من قطّـة ايـام وسـرج الـدّار مطّفيـّه   لا بـاس ياختـي يانور البيت ودنيـاها يشفيــك ربّـي    عليـم    السّـر وخافيـّه    لك وحشــةٍ طوّلت ماعــاد نقــواهـا  معــاد فينـي صبــر دمعاتي مخفيـّـه يا الله انا رجيك نفحات الشفاء شفاها مابــه شفـا الا شفـاك اتردهــا ليـّــه  فهد الروضان التميمي 2025/1/2م

  قولو (...) صعبٍ يفارق هلحنون مــا جفاه    النـــوم بعـد افراقهـا   ارحمـــو قـلبٍ تولـــع بالفتــون  طـاري الفــرقا يجيــه اهبــالهـا  شيخة    النسـوان محـلاها تمـون  زينهــا بالوصـف فــاق اخيالهــا  الهــدب طفــح ونجـلا    بالعيـون  اسعـد الله من يشــد    ارسـانهـــا  غــرةٍ غطـت جبينــه    والجفــون كــل فــرس لا هزهزة    بخطامهـا  ويلـي مـن جمرٍ تعضـه    بالسنون  ويلـي    من معسولها بـالسانهــــا  شي فـاق الوصـف سميته    جنـون  بس     حظـــي تايــهٍ    مـاطـالهــــا  الشاعر فهد الروضان التميمي 2014م