ديوان الشاعر فهد بن عبدالله الروضان التميمي

  سجيت بظلال الوفاء سجيت بظــلال الوفـا والـولـه شب نـارٍ تلـــوح بظـــاميــات النَّحـــالي يا فَوْعَة المسـك الـذي فـاح وانصب ريحـــه على نبت الربيــع السهــالي سحـرك    تمكـن في عــروقي تسحـب ليـن استقــر بـداخـــل القلـب والي جـادل بهـا الخَفـرات بالزين تعـجب وبسمـة ثنـايـاهــا تجــلي الليـــالي عنـقٍ يـداوي علــة الـروح به الطـب كنـك تشــوف المــاء يســاق بزلالي بوحـك يزيل الهــم والضيـق يذهب وكـدر الزمان الموحش اللي جـرالي ما شفت مثلك في الملا شرق وغرب نـدرة جمــالك ما لها في الخـــيالي انت المــــلاذ اللي بـه الـروح ترغب وانت السنـد في نايفـات العـــوالي دامـك بجنــبي دايـم الروح تطــرب ونرسم على وجه السحاب الوصالي الشاعر /  فهد بن عبدالله الروضان التميمي

  قصيدة: لجة اللوم يا غائصٍ في لجــة اللوم ومنجــوم خــل الكبـود اللي بوجــدي صليـه صـدري فجــاجٍ والهموم أرزنٍ كوم تـرزم كمـــا رزم الخـــيال بنــويــه أصبر على طعن القفا صبر شغموم وأدمــح خطـاياهـم ولـو هي زريـه كـم طـاح مـن عيني صناديد وقروم وكـم شفت من سـود الليالي غزيه صـرنا نواري بالصـدر سـد مكتــوم خــوفاً على شيـم النفوس الوفيـه مـا يفهـم التلـويح من كان محـروم مـن غـوص غـايات المعاني القويه جيتـك سحــابٍ ماطـرٍ وبل ديمـوم ورديتهـــــا نـارٍ بوســـط    اليــديـه لو شفت ما شفته من أنكال وسهوم شـابت ذوائب مفـرقك بالضحـــيه عـزي لقلبٍ بـات بالحــزن مزمــوم يجحــد ونينـه والضمــاير لظيـــه ما كل من يركب على الخيل شغموم ولا كــــل بـرقٍ فيـــه مــزنٍ رويــه الشاعر /  فهد بن عبدالله الروضان التميمي سناب شات: f515f@ 2026/5/9م

مادام تشكي لربك كسرت الحالي ابشربعــزك ونفســك لاتعـذبهـا ان طعتني فيه زول وفيه الازوالي طب وتخـيرعلى ماقيــل خــربها      عبدالله القزلان مجاراتي للشاعر  عبدالله القزلان (ابو علي ) يابوعلي قولك اللي يشرح البالي نصيحـة من ضمـير في معـربها العـز للنفس دايم منـزلـه عالي وعسى المقادير ما تقفي بطيبها ما ينكسـر خاطــر بالله يتــلالي والأرض فيهـا خيار من مناسبها من صد عنا جعل فاله بخصالي نفسي عن الهون ربي قد مأدبها الشاعر /  فهد بن عبدالله الروضان التميمي 7 /5/ 2026م

مجاراتي للشاعر الجزل خالد الفايز التميمي  (أبا عبدالعزيز)؛ رداً على أبياته الصادقة التي فاضت بالحكمة وعزة النفس، وصورت لنا شموخ الصبر في وجه تقلبات الأيام، أقول فيها يقول  يالوقت ظرفك يصارعني ويختالي دنياي قفت وانا اجاهد مصاعبها ماعـدت اميز مابين المر والحالي واضن قلبي ولف سطوة مضاربها والله مابكي قهر كان البخت مالي ‏و ربي هـو اللي موريني عجـايبها مابديت سدي على عمٍ ولا خالي ‏رغم الظروف الثقال اللي أمربها ‏أشكي لك الحال يا عالم بغربالي ‏ياللي لك الخلق رافعـة ٍ مناكبها جعلك تحقّق مطاليبٍ على بالي احترت فيها وانا فـكري يقلبها وختامها الحمدلله والسعد فالي مـادم رب العباد اللي يحـاسبها الشاعر / خالد الفايز ( ابو عبدالعزيز ) الأربعاء: 6 مايو 2026م يا مرحـبا والتحـايا قـدرهــا عالي بأبيات شاعر يجيد بسبك جـاذبها يا خــالـد الوقت لو يقفي ويقبالي تبقى العــزايم عسيـراتٍ مراكبـها والحر مثلك يشيل الحمل ويشالي نفسـه تعيف الهـوان ولا تصاحبها دامك تميمي وفعلك يتعب القالي اصبـر على جـور بقعا مـع عقاربها ما ينكسر كـود من فكره به خبالي والا أنت تـرسي والاريـاح تلاعبهــا الضيق يفـرج بأمـر الواح...

  ابوعادل سليمان بن عبدالرحمن السليم على منصة اكس X تويتر سابقا ارسل صورة لشعيب النخيل في محافظة مرات واسترسل الهاجس هذه الأبيات اتمنى تنال استحسانكم وادي النخـــيل اللي له الروح نفناج مدهال  سمحين  الوجيه  المداغيش شـرقي مـرات ودايـم الصيت منباج مكشــات ربعٍ  يكـرمون الطـراويش قليبـه اللي مــاه  عـــذبٍ  وهجـــاج قــــراح  يروي  غلــةٍ  للمعـــاطيـش والطلــح في جـالـه تذرى به أفـواج فيّ  المكـاشيت  القـروم  المـداهيش وادي وسيــعٍ للمســرة  بـه افجــاج سقـياه مـن غـرّ  المـزون  المراهيش تبقى طــواريهٍ بقلــبي لهــا فـــــاج جــامـع لكل اوجــيه ربـعٍ نواهيـش يا منبــع العــزّ العـريب المهجـهاج حـال ٍقديمه صغـتها كن النـواقيش الشاعر /  فهد بن عبدالله الروضان التميمي سناب شات: f515f@ 2026م

  ياعيون الريـم يا الغصن الميـول يا نسم الشوق في روض الجمال في عيونك سـر تعجــيز العقـول وفي جبينك نور من وجه الهـلال تسكنين الخافق بطرف الذهـول ولك مقام بالحشـا صعب الزوال يا فريـدة حسن مديت الحــبول ليـن صـرتي الكل في دنيا الدلال ما على المشتاق في حبك عذول لـو تمـادوا بالمـلامـه والجـدال كل مـا ناديت يا عـذب القبـــول فــزّ قلـبي للقــا بأطيب فعـــال لك غـــرام بالحـنايا لــه فعــول مثــل سيـل ترتوي منــه التــلال صـورتك وجــهٍ به العفـة يجـول صــاغـها المعبـود ولله الكــمال  لو نظـرت لخـافقي تلقى الحلول كيـف حبـك غـيّر أحـوال المحـال أنت الأولى فالمحـبه والوصـــول وأنت باقي لي على طــول الليــال يا سمـو الحب يا الطّهــر البتــول في سماء الوجــدان نجمك لا يزال في محاني الصدر يا الرّيم الجفول لك مداهـــيل بهــا عـــزّ وجـــلال يا عظيـم الشـوق جيتـك بالحمول حـامل ورد الغـــلا حـمل الســلال الشاعر /  فهد بن عبدالله الروضان التميمي سناب شات: f515f@ 2015م