ديوان الشاعر فهد بن عبدالله الروضان التميمي

  عـزّ الإلـه اللي عـن النـاس يغنيــك دام الليالي صلفــه ووقتهـا جـــار ارفـع مقامـك والعـلا في مسـاعيك واحــذر تمـدّ الشـوف لديار فجـار الوقت يكشف والتجــارب تقــرّيك أن المصـالح تجـذب الناس تكـرار مخـباك لامـنه غـدا جمر في ايديك صـــاروا على دربك طــــوابير زوّار يبنون مــن زيف المشاعـر كبـاريك وَهــمٍ يمــره نازح البعــد محــتار لـو قـلّ مالك كشّـر الوقت شانيـك يجفــاك صحبٍ جمّعتهــم بك دّار تمسح جمايل وقفتك في مهــاويك تصبـح غريبٍ بين شــمّــات وغدّار لا تنخــدع باللي بكـذبه يمـانيـــك الصـدق نـادر والخفـايا بها اســرار خلك جبـل مـا زعزعتـه التشـاكيك مـا يلتفت للقيـل والقـال جبّـــــار واحفـظ وقارك للـذي بالوفـا جيك شروى الكريم اللي له الطيب مقدار الشاعر / فهد بن عبدالله الروضان التميمي سناب شات: f515f@ 2016م

  السلام عليكم ورحمة الله وبركاتة  نتقدم بوافر الشكر وعظيم الامتنان للبطل سليمان بن عبدالله الدايل على هذا العمل الإنساني الجليل سائلين المولى عز وجل أن يجعل ما قدمه في موازين حسناته وأن يمن بالشفاء العاجل لزوجة اللواء عبدالله بن مساعد الدايل وأن يلبسهما ثياب الصحة والعافية وكذالك شقيقتي أم محمد .لقد ضرب سليمان أروع الأمثلة في صلة الرحم والوفاء حين قدم جزءاً من جسده لينهي معاناة أم مساعد فاستحق بذلك أن تُخلد ذكراه وتُسطر في حقه القصائد وانا بدوري أهدي له هذه القصيد واتمنى من الله أني وفقت على نضمها التمس ابعذر إن كان هناك تقصير نفسٍ تروم الطـايلات العظيمـــــه ترد المنــايا ما تهـــاب المهمـــات سليمــان نال المفخـره والغنيمــه فعـلٍ يسجـل في سجـل البطـولات تبــرع بجــزءٍ بجســمه عزيمـــــه وأحيا الأمل في نفس عانت معانات هذي المراجــل والنفوس الكريمه تبين لا صكــــت عليــنا الملمــات ورث الشهـامه والمواقف قــديمه مـن لابـةٍ ترقى بروس الطـــويلات الدايل أهل الجود وأهل الشكيمـه فيهـم مـن التاريخ وقفـات وثبات يا عـلّ يمـنىٍ مـدت الطيب ديمــه تسقي ثراها من جزيل الكــرامات تفـداك ن...

  عزاه يا نفسٍ مـن الحرمان هي غرقا تجـري بها هموم وقتٍ شين خذلانه أسـهر وأراقب نجـومٍ بالسمـــا ترقا والصـدر ضـاق وتزايـد فيـه نيــرانه بيــني وبين الحـنان المـرتجى برقـا يوم استخـال السحاب وشـح ودّانه أطـوي دروب العذاب ولوعـتي تبقـا روحٍ مـن البعـد واللوعــات حـزنانه يا وجـد حالي على اللي بالهوى شقا خلٍ سقى القلب من عطفه وتحنانه واليــوم صـرنا بدارٍ موحشــه حقـا ما كننا اللي سكنّا بوسـط بســتـانـه عقب الوصل والوفا في ليلةٍ سـرقـا حلـمٍ تبدد وضــاع اليـوم عنــوانـه الشاعر /  فهد بن عبدالله الروضان التميمي سناب شات: f515f@

  أرخصت لك غالي المشــاعر والاشــواق وأدعـي لك الـتوفيــق في كــل ســـاعـه أبني لـك آمــــالٍ عـلى الطـيب بعمـــاق وأقـــول هـــذا الـلي يـعـــزّ اتبــاعــــه عطيتـك الـلي مـا عـطوا كـل عشــــــاق وصنتــك بـوقــتٍ فـيــه نـاسٍ بـيـاعــه وأثـر الـنــوايا لـلــردى ســوق وأسـواق والـغــــدر عـندك صــار فـــن وبـراعـه تـسعى لـمصلحـتك عـلى طـعن الأعناق وتـبدي جـحودك عـقب هاذيك الأخلاق يا صـــدمــةٍ تـســري بـوسط الأقـــلاق هزيت صـــرحٍ مـا يـعــرف الطمــاعـــه خـنت الـعهــود وحــبنا صــار مـحـراق وقـلـبٍ عـطـاك الـخـيـر بـان انـقطـاعه مـن بـاعني بـرخيص مـاعــاد يـنـطــاق عفتـة ولا اقبــل مـن يقــدم شفـاعــــه  الشاعر /  فهد بن عبدالله الروضان التميمي سناب شات: f515f@ 31 يناير 2016م

    أرخصت لك غالي المشــاعر والاشــواق        وأدعـي لك الـتوفيــق في كــل ســـاعـه أبني لـك آمــــالٍ عـلى الطـيب بعمـــاق وأقـــول هـــذا الـلي يـعـــزّ اتبــاعــــه عطيتـك الـلي مـا عـطوا كـل عشــــــاق وصنتــك بـوقــتٍ فـيــه نـاسٍ بـيـاعــه وأثـر الـنــوايا لـلــردى ســوق وأسـواق والـغــــدر عـندك صــار فـــن وبـراعـه تـسعى لـمصلحـتك عـلى طـعن الأعناق وتـبدي جـحودك عـقب هاذيك الأخلاق يا صـــدمــةٍ تـســري بـوسط الأقـــلاق هزيت صـــرحٍ مـا يـعــرف الطمــاعـــه خـنت الـعهــود وحــبنا صــار مـحـراق وقـلـبٍ عـطـاك الـخـيـر بـان انـقطـاعه مـن بـاعني بـرخيص مـاعــاد يـنـطــاق عفتـة ولا اقبــل مـن يقــدم شفـاعــــه  الشاعر /  فهد بن عبدالله الروضان التميمي سناب شات: f515f@ 31 يناير 2016م

  يا نادب الحرف الجزل صغ تماثيل في لابة ترث المفــاخـر ســــلاله أهل القفار مشـيدين المــداهيل دار الحميضي أهل النبا والجماله شبـة كـرم ما غلّقت بالمغـــاليل بيت يذري مـن لجــا في ظـــلاله مفتـوح للضيفـان صـبحٍ مـع ليل مـا صك دونه قفـل يمـنع نوالــه نارٍ تلظّى للمســـــايير قنـــديل ودلال صفــرٍ بالمجــالس دلالـه تميم هـم أهـل الثنا والمشاكيل مـن لابـة بالضـيق ترهي فعــاله بيض الوجيه مدلّهة قاصر القيل أهل الكرم والجود وأهل الجزاله الشاعر /  فهد بن عبدالله الروضان التميمي