مجاراة قصيدة راعي مرات
مجاراة قصيدة راعي مرات الشاعر القدير
عبدالرحمن بن عبدالله المجلي وهي قصيدة احببتا من عدة سنوات قاربت 15 سنه اعانني الله على مجاراتها واتمنى اني وفقت في مجاراتها
اقول :
بديت باســم اللي خلق كـل الانفـاس
عـــلّام ما يخـفي بصـدر الكتـــــومي
يا راعي الـديرة لك الفــكر هوجـــاس
في جيــل صـارت بـه كثيــر العلــومي
صغت المثايل والذهب وسط الاكياس
ونقــدت وقتٍ فيــــه نقصٍ وشــومي
احدٍ سوات التاج في لــه قمـة الـراس
يرفـــع مقـامك فـي طــوال الرجـومي
وحــدٍ يهـد العـزم ويجيب الاتعـــاس
خبـــلٍ ردين بالمــــواقف غشــــومي
والطيب لـــه بين المخــاليق مجـلاس
طبــع الكـــريـم اللي يســد اللــزومي
والمـرجلة مـا هي بكشـخــة وملبـاس
المــرجلة بالفعـــل وقت الحســومي
نـاسٍ معـــادنهــا جـواهـــر والمـاس
ونـاسٍ معــادنهـــا تفث الســـمومي
لا يغــرك المظهــر ترى الكـل هــلاس
ترى الرعــد ما يسـقي الا الوســـومي
خلك مــع اللي طيب الذّكـر له ســاس
حـــرٍ نزيـهٍ مـا يحــــب الرخـــــومي
الصـاحب اللي خـــوته ترفــع البـاس
هــذاك ذخـرك في ليالي السمــومي
يفــداه نذل ما عـرف درب الاحسـاس
عن طلبــة المحـتاج دايم يصـــومي
العمــر يمضي والليــالي لهـا اقيـاس
والرابـح اللي مــن ذنوبــه يقـــومي
والكلمـــة اللي بين الاجـــواد نبراس
تبقى ولــو غابت جـميـع النجــومي
واللي يـدوّر نقص في كـــل مجـلاس
عينـه عن عيوبه تهــاب الهجــومي
خلك جبـــل صـــامد قـويٍ وقرناس
مـا تهــــزك ارياحٍ وعـــجّ يكــومي
من طاوع الشيطان والنفس وابلاس
يصبـح على نفسه كثيــــر الهمومي
مـا ينفـع الصيــوان من غير مرواس
ولا ينفــــع الخـيال بليــا عـــزومي
احــرص على الرفقة بميزان وقياس
واجـن الوفا من وافين والقـــرومي
ترى الحيـاة دروس والناس أجناس
والصبر مفتاح الجِـــزيل القسومي
واختــم كلامي والفخر فيك يقتاس
راعي مرات اسمك تعـــدى الغيومي
الشاعر /
فهد بن عبدالله الروضان التميمي
Fhad Al Rodhan Al Tamimi
SnapChat
@F515F
تعليقات
إرسال تعليق