قصيدة اهداء لشيخه سارة آل ثاني

 

يا شيخــةٍ جـود والوفــا في نـباهـا

يا نـادرٍ جــودك وطيب الأصـــايـل

ســارة سليلة مـجــد عـالي بـناهـا

بنت الشيـوخ وعــز كـل الســـلايـل

بنت اللذي شمس المعالي سمـاها

عبدالله اللي لـــه فعــولٍ جـــزايـل

في عــزّ ابن ثـانـي مـذرّي ذراهــــا

أهــل الوفا والنايفــات الطـــوايـل

كفّـك سـحــابٍ يرتوي مـن سقاهـا

يـروي فـيافي جـدبـهـا والمحــايـل

يا الـوافيــــة يا نـادرة في نـبـاهـــا

فعـلك ثقـيـل ولا تـرومـه هـــزايـل

في نخوتك تفرج لـقـلـبٍ شـكاهــا

من فزعتك تـبري عليــل الـغــلايـل

يا شـيخـةٍ جــزل الـعطايا غــذاهـا

كـفّـك يمـدّ الـموجـبات الـجـلايـل

الـطـيب سـيرة والـمـــروّة نـداهـا

يا الشـامخة فوق النسـا والـخلايـل

تـستاهل الـمدح الـرفـيع ونـداهـا

يا ذروة الأمـجــاد بـيـن الـقـبـايـل

الشاعر: 

فهد بن عبدالله الروضان التميمي

التاريخ: الثلاثاء 2026/01/13م