قصيدة لها قدر وعناوين ( قديم )
يا هيــه ياللي غارقـة بوسطها عين
غرقان في سحــر العيـون الظليلة
بنتٍ حـــلاها فاق كل المــــوازين
وفرايد أوصــافٍ بهــا مستحيـــلة
(لمياء )لها في القلب قدر وعناوين
والليل يستر بالظفــاير شليـــــله
الوجــه نورٍ شق ستر الــــدياجين
والـورد ياخــذ مـن وجنهـا فصيلة
من لحظها طاحوا نشامى وكريمين
تذبح قلوب أهـل الهــوى والقبيلة
قلبي غدى من وجــدها كنه سجين
كنــه طــريحٍ ما لقى مــن يشيــله
والله مالــه في المــلا أي تلــــوين
ولا شفت أنا في الغيد احـــدٍ مثيلة
مـرّت كمــا وبلٍ سقـالــه بســاتين
ريح النفــل في ثوبهــا والنخيـــلة
حبٍ سكن مابين عــوج المحادين
صــادق وفيّ وصـافيٍ ينتمي لــــه
هي غـايتي لـو جيت عــدّ المزايين
هي الــدوا لروحي وبلســـم غليله
ياشيب قلبي يـوم شـــاف المزايين
ماجــاز في حبـه بعــدها حليــــله
عسى الولي يحميك من نظرة العين
ونبقى سوى طول السنين الطويلـة
الشاعر /
فهد بن عبدالله الروضان التميمي
تعليقات
إرسال تعليق