قصيدة يا معدي الخمسين
القصيدة قلتها في المنطقه الشرقية فندق هوليدي آن كرنيش الدمام كنا في وقت الحجر الجزئي ايام كرونه
يامعـدّي الخمسين خـذ مني البوح
خــذ مـن تجـاريب الزمان الفضيلة
جيل الشباب ان جادلك خلك مزوح
افكـارهـم في هـالزمـن مستحيـلة
ولا تفاخــر في زمـــــانٍ غـــدا نوح
مـا فـات مـات وعـزّ نفسك بجيــلة
وان جـاك داعي بالوفـا والنبـــاروح
وجّب نـداه وفــارق أهـل المليــلة
خلك قليل الهرج ولو جاك مسموح
واخـتر سمين القـول واترك هزيـلة
اذكـر جمـيل العمـر والبال مشـروح
وانسى خطــايا في سنينـك ثقيـــلة
واليـا اعتـراك الشيب والآه وجــروح
لا تشـتكي للخــلق حـزنك تشيـــلة
احــرص على كفّـارة الذنب والــروح
تطهـير للنفس الشكــورة جليــــلة
وابحث عن اللي يسعد القلب بمزوح
وابعـد عـن اللي بالنكـادة مخيــــلة
خلك لـربك والـوفا منـك مطــــروح
عـط وتحـــمل والضّعـيف ارتكيــله
خـل الحـياة ابوابهـا الكـل مفتـــوح
لا تحــزن لراحـــل ونفسك عليـــله
تـرا البقـــاء لله وروحـــك لــه تروح
والإبتـــلاء قـوة ومـع الله حصيـــلة
ثق بالـولي واطلب من الرّب مصلوح
يفتــح لك أبواب السعـادة وسيــلة
صلوا على محمد عدد نوضة الضوح
وعــداد وبل من السحاب الثقيــلة
الشاعر/
فهد بن عبدالله الروضان التميمي
2021م
تعليقات
إرسال تعليق