ديوان الشاعر فهد بن عبدالله الروضان التميمي

  بنت الحمايل عارفــه درب الأنذال تكسـر خطاها عـن دروب الدنيّـــه ما هي على درب العشاشيق ينقـال ولا هي مثـل ما قيل هــذي خـويّه ما تنشـرى بالمال ولا شحـن    جوال  ولا تنشـرى بالورد وعطـر وهــديّه ولا هي مـن اللي كـل يومٍ لهـاحـال  وكــلًّ يدورهــا صبــاح وعشـــيّـه الله عطاك من الرجـاجيـل الأبطال والله مــاتشــقين ورب البـــريـّه ابوك ظل الدار ولك عـم ولك خال وكـلٍّ معـــاك ومحـزمك يا بنيـــّه ســلام يا بنت الحمـايل إلى انقال يـومٍ بنات الاش في درب الــرديّه هذاك ترسل له من الحب مرسال وخـرى معـاها بالتواصـل سـريّه الشاعر/ فهد بن عبد الله الروضان التميمي 2025/10/10م

  أخـذت   مـن   الحـياة   دْروس   لَفَّتْ   بي   سبـع   لفَّات أدور   أبهَــا   وأصــارعــها   حــماني   الله   وحَـــيَّابَه غريب   ذا   الزمــان   اللي   يلاطمْـنا   غَــدِر   و   إسكات أثرنا   في   زمــانٍ   أغبــرْ   عجـاجُــه   هَبّ   مـن   تافِـه تَرَى   بعــض   البشـر   عاهة   كـرِيه   وِلْلِنْذل   عاهات عــاهــاتٍ   خلقــها   الله   في   الــدنيا   مـن   ترابـــه ولا   تَامَــنْ   رَدِيَّ   الأصــل   فِلْخُــوَّة   مـن   الميــلات كــلام   الزين   بالســانه   وقلبُــه   يخــفي   حِــرابَه ولا   تَامَـنْ   رَدِيَّ   النفـس   والهَقْــوَات   والْقُــومَات يجيــك   بنيـاب   تنسـل   سَـمّ   ومـا   حــدٍ   خـافَــه تحسبه   من   خِيَار   الناس   وذِكْره   من ...

  يا وطنَّا لك غلا الروح من وقت الجدود رفرف البيرق على الساري يا عز المقام بالأمن والدين نَرْقا على العلياء سْنــود دام عــز المملكة والسعودي كل عــام يا وطنَّا لك فرح لا بَصَرَتْ عين الحسود يا السعودية تهنّي في ذرى ملوكٍ عظام الشاعر فهد الروضان التميمي 2025/9/22م

  ولي عهدنا محمــد هـلا يأميـــرنا المــــــقدام هـلا يامجـدد الـدولـه هـلا بالملهـم الـــــربان هلا ياطويقـنا الشامخ هـلا يالـراسي الضـرغــام ثقـافــة تسبـق الحـاضر    تجــدد كــل شيٍ كـان هــلا باللي لـــه الخضـراء عليــها رايــة الأسلام شعار الحـق والتوحيـد وفيه العـــدل والأحسان هـلا يالسيفنا الأجـرب هـلا بك ياصفيح احسـام سعــودية لهــا شعـبٍ عظيـمٍ والملك سلمــان الشاعر   فهدالروضان   التميمي 2025/9/22م

  رباعيات شعرية     قديمه   للشاعر فهد الروضان التميمي  1- تاريخها 2014 القلب ليمن حب يا صاحبي حب  يعطي خفوقك نشـوةٍ فالمـحبه واللي تلاعب بالهواء النار ينصب  ماعــاد يالقـالـه عــلاج وطبــه ————— 2- تاريخها 2014م العشق عشق الممــلكه دوم ياريم  أرضٍ بها الاجـداد حبــو ثراهــــــا ماهيب لندن موطنك منبع الضيـم تكرم قلوب تعشق ارض(ن) سواها ————— 3- تاريخها 2011م تدرون ويش أحلى مــن البــرق لا لاح وبل المطـــر لا هــل فيــــه ابرديـــه وتدرون ويش أحلى من السيل لاسـاح  نبت الفيـــاض ودلـــة شـــاذليـــــه وتدرون ويش أطيب من الطيب لا فاح  شــوف الرجــال اللي لهـــم قابليـــه والــذ وأعــذب مـن تفاصيل مــا راح  سجـــودك المــرضـاة رب البريـــــه ————— 4- تاريخها 2016م سميتكم دنياي يا بنت سميت  ياحظ من سميته اليـوم دنياي احــلاتعابير الغلا منك لا جيت  يامالكٍ كلي من اقصاي لدناي ————— 5- تاريخها 2019م يا الله ثبتنــي عــلى الـــدوم وافي  بين الحبايب والقرايب والاصحاب  وياالله لا تخيب رجــايه وشــــافي  اهـل النفس القاط...