رباعيات شعريه قديمه
رباعيات شعرية قديمه
للشاعر فهد الروضان التميمي
1- تاريخها 2014
القلب ليمن حب يا صاحبي حب
يعطي خفوقك نشـوةٍ فالمـحبه
واللي تلاعب بالهواء النار ينصب
ماعــاد يالقـالـه عــلاج وطبــه
—————
2- تاريخها 2014م
العشق عشق الممــلكه دوم ياريم
أرضٍ بها الاجـداد حبــو ثراهــــــا
ماهيب لندن موطنك منبع الضيـم
تكرم قلوب تعشق ارض(ن) سواها
—————
3- تاريخها 2011م
تدرون ويش أحلى مــن البــرق لا لاح
وبل المطـــر لا هــل فيــــه ابرديـــه
وتدرون ويش أحلى من السيل لاسـاح
نبت الفيـــاض ودلـــة شـــاذليـــــه
وتدرون ويش أطيب من الطيب لا فاح
شــوف الرجــال اللي لهـــم قابليـــه
والــذ وأعــذب مـن تفاصيل مــا راح
سجـــودك المــرضـاة رب البريـــــه
—————
4- تاريخها 2016م
سميتكم دنياي يا بنت سميت
ياحظ من سميته اليـوم دنياي
احــلاتعابير الغلا منك لا جيت
يامالكٍ كلي من اقصاي لدناي
—————
5- تاريخها 2019م
يا الله ثبتنــي عــلى الـــدوم وافي
بين الحبايب والقرايب والاصحاب
وياالله لا تخيب رجــايه وشــــافي
اهـل النفس القاطعة بين الأقراب
—————
6-تاريخها 2014م محاراة بيني وبين شاعرة
تقول :
احــلا هــديه في حياتي وجــودكً
جتني من دروب الصدف والسلاما
بالأمس خـوفي لا تعـدى حـدودكً
واليـوم إسمكً في خفوقي ينــامـا
الرد على البيتين مجاراة
احـلا وجـودٍ في حـياتي وجـودك
مـادام طيفك بارق ٍ مـا نـلامـــــا
لك منـزال بالقلب خـذه بكفوفك
وضمه على قلبك بحب وســلاما
—————
7- تاريخها 2014م
يا سعـود شفتك باالقوافي تهـلا
منضومةٍ فيها المعاني ســرادي
يالله عسى خـاطرك يا سعود دلا
منهي على كيفك تشيل النكادي
—————
8- تاريخها2014م
العين تذبح في نظـر هـا حــلا هـــا
لا لا ملــوم القلب ليمــن عشقـــها
سبحان معطيها الحسن عن سواها
الزين واضــح من عيونــه نطقـــها
تعليقات
إرسال تعليق