مجاراة بيني وبين شاعرات على الانستقرام
واحده من الأخوات الشاعرات والمتابعات لي على تويترو الانستقرام
احد الاخوات العفيفات ارسلت لي هذه القصيدة اتمنى لها التوفيق ورزق من واسع فضله
وصح اللّٰه لسانها
تمت مجاراتها من قبلي والشاعرة عباير
وصح السانهم جميع الله يحفظهم
تقول الشاعره
لي يافهـــد مـع سـايق الهـم وقفات
يالله عسـاهـا خيــرة في حيــــــاتي
واكــبر حـزن يا حسرتي مال ميلات
بين الضــلوع وبين نفســي وذاتــي
واصعب حـزن فيني هلكني بضريات
معــاد اميــز من انا ومـن صـــفاتي
تعب الفقـر نازل على الحــال نزلات
مـثلي مــثل ذاك الضـرير بعصــاتي
يا فهـد تكفـاء داوني باجمــل ابيات
كــود الحـزن يا خـوي فـيني يمــاتي
2014/7/17م
————
ياللي اشتكيتي الهم في خمسة ابيات
ماحــدن يلومــك بس خوذي وصاتي
انتي بخــير بفضـــل رب السمــاوات
لاتيـأســين وكبــــــري للصــــلاتـي
ادعـي النفسك لاعـدمتك بسجـدات
وقت السحــر يرزقك خــير وغنــاتي
والا البشــر ماينفعـــون العليـــلات
الكل منهــم مقصـده في ســـبـاتي
راحــوا رجـال الطيب واهل المروات
وفي وقتنا خــير الكــلام الســــكاتي
فهد الروضان التميمي
2014/7/17م
—————
يالـي شكـت مـن جـاير الفقـر ببيات
وتنثـر كثيــر الدمــع دونك وصــاتي
صلي وصـومي وختــمي كــل الايات
وخــلي الرجــا بالله غيـــره فـــواتي
تقــولها مــن تبــكي اليل بســـكات
مــن خــوف لايفقــه ردي بشــماتي
وتقـولها مــن ذاقت السـم جـرعات
بكفــوف مـن همـه زوال وممــــاتي
وخـتامــها مني ســـلام وتحـــــيات
للــي جــــمع يابنت ذاتـك وذاتـــي
يافهــد منــك العــذر ماهي لقفـات
ويشهــد علي اللّٰه ماهي صفـــــاتي
الشاعرة / عباير
2014/7/17م
تعليقات
إرسال تعليق