ديوان الشاعر فهد بن عبدالله الروضان التميمي

قولـة كفـو ياكــودهــا يارجــاجــيل  ترى الكفو تقصـر عن البعض يارجال دام الكفـو قيلت لبعـض المخـابيـل  أفــرح ياولـد الاش لو فعلك خبـــال قولــة كفــو مـا تنعطي للمهـابيــل مايازن الهــرجــه وفي راسه أهبــال قولـــة كفـو للقّـرم قـولٍ وافـاعيـل راعي الخصـال الطيبـه ذرب الأفعال الشاعر/  فهد بن عبدالله الروضان التميمي 2025/11/17م

  الصّمت في بعض الرجـاجيل هيبه حتى ولو جاه الحــكي مـن    رديين ردّه علــى فعــل الـرديين عيبـــه إنه يكـرّم ناس ما هــم كـــريمين الشاعر / فهد الروضان التميمي  2025/11/16م

  لا شانت النفس وحظك مال اترك الـــــديرة ومــن فيها وجَمّع لزومك من ايسر حال في موتــرٍ زين يعطيهــــــا يضـرب دروب الحيـا رحَّــال مبّيـضٍ وجــــه راعيــــــها ووَجّه على الغـرب والشمال افياضهـا الخضــر تكسيهــا مَنبوت روضٍ لحــد الجـــال وريــح الخــزامى نشا فيــها وشبيت ضـوٍّ علـى مــا قــال سمــرٍ لهيبــه تصــاليهــــا ودلال كيــفٍ تريـــح البـــال صِفْرٍ لهـا الخصــر مثنيهــا والبن الأشقــر بهــا ينهـــال والكيــف غطـــا عـلاويهــا وبهــار هيــلٍ نشى فالحــال ريحتــه عِطْر من يسويهـــا يطرد عماس اول الفنجــال لا تحــرم النفس داويهـــــا مَع خوة رجـــال والأفعـــال رجـالٍ على الكــيف خاويهــا لا تحـرم النفس يجيك اهبـال العافيــه دوم نشـريهــــــا الشاعر/ فهد بن عبدالله الروضان التميمي 2022/12/12م

  الا يامـرحــباٍ باللي على السـامـر لفــو     حضــار   رجــال تسعـد الخـاطر وفيهــم طيب وحميــه لهـم    سامـر مراجيفـه تهـزّ القلب وهــل الـزّار تخـلي راعــي الملعب شـويش الـراس يا حيــه  رنــة طبـل والمصقـاع وصوت الراخـيه والطـار  شـيوخ الجـن تطـرب لـه يفـرح العـود من كيّـه الشاعر/  فهد بن عبدالله الروضان التميمي الجمعة / 2025/10/13م

  جاني صبـاح اليـوم يالله عسى خير   مكتـوب راعي القاف خافي سـريره امنــولٍ    يوم    الغطاء حــاكم البيـر  محدٍ سمع صوت الشخيب وهديره حــنا بشـر تلــفي علينـا معـاسيـر  وبعــد العسر لا بد ياتي يسيـــــره والعشق ماهـو عيب له حق تقدير لا بــد مــن شيٍ يجيـــه ويثـــــره والعشق ما يعـرف كبار ومصـاغير لاحــل في قلبٍ صفـــاله عبيــــرة مايقهــــره إلا كثيـــر المعــــاذير  يغبش عليـه من الهمـوم الكثيــره ياللي شكيت من العيون السواحير ارفق على قلبٍ تزيــده حســـيره الشاعر  فهد بن عبدالله الروضان التميمي الاثنين 2025/10/27م

  هجـدتني وأقـول يا اللّٰه عسى خير   صبحــتني وأقـــول يا عــل خــيره  وش بك على قلب كفخ كنه الطـير ما ترحمـه يومـه كفـخ في مطيــره  خليت في صدري سوات المعاصير وضلوع صــدري عصــرته تعصيره أرفق علي يا ابو عيـونن سـواحــير الروح من نظــرة عيـونك سحــيره اسهــرتني واودعت فيني مسـامير لا واهـــني القلب لـو نك سمــيره متى يصـير الحلـم علـم وتياســير  ويرتاح جسـمي في نهــاية مسـيره الشاعر  عبدالله بن عبدالرحمن اليوسف التميمي مجاراة    من الشاعر —————— جاني صبـاح اليـوم يالله عسى خير  مكتـوب راعي القاف خافي سـريره امنــولٍ    يوم    الغطاء حــاكم البيـر  محدٍ سمع صوت الشخيب وهديره حــنا بشـر تلــفي علينـا معـاسيـر  وبعــد العسر لا بد ياتي يسيـــــره والعشق ماهـو عيب له حق تقدير لا بــد مــن شيٍ يجيـــه ويثـــــره والعشق ما يعـرف كبار ومصـاغير لاحــل في قلبٍ صفـــاله عبيــــرة مايقهــــره إلا كثيـــر المعــــاذير  يغبش عليـه من الهمـوم الكثيــره ياللي شكيت من العيون السواحير ارفق على قلبٍ تزيــده حســـيره الشاعر...

  (ضـاعت تواريــخ العـرب بين ثنتين شاعر كذوب وشيخ مدري متى شاخ) أمّا كـذوب الشعـر عذره من الــدّين عنـد المعـزَّب يشــعل النَّــار نـواخ ياخــذ قضــاة الــدين ألفٍ وألفيـن حـالـه على مـا قيــل قـــدَّه ومـلَّاخ واخــر رزقـــــه الله مـــال وتثمـين عقب الفقـر أصبح مـن المال بَـذَّاخ يأمـــر على ربعــه أمـــر السـلاطين هـو يحسب المشيخـة مال وطبَّـاخ الشيخ شيـخ العلـم والفقـه والدِّين شيـخ الشريعة مظـهر الحـق رَضَّاخ ولا عضيـد القــوم ورجــال وافيــن يأمـــر على رأس القبيلـة ورسَّـــاخ ياللي تقــول إن العــرب بين ثنتيـن تاريخـنا محفوظ في روسنا أمخــاخ فهدبن عبدالله الروضان التميمي 2025/10/19م الأحد