ديوان الشاعر فهد بن عبدالله الروضان التميمي

  قصدة   غنائية سامرية عارضي   قديمه   وملحنه   من   الفنان   عبدالرحمن   الدحمان   في   ذالك   الوقت   كنت   ادرس   في   المعهد الثانوي   التجاري   زمن   المفردات   البسيطة ليــه الجـفى والهجـر ياكامل الزين ليــه انتـهى حـبٍ في قلبك بنيتيــه ليــه انتـــهى حـبٍ بنيتــه على زين وش غـير اطـباعك وش الي نـويتيه يابنت قولي وش جــرالك وذلحـين وش تاليــة حب قـــديم نسيتيـــه ياكود فــرقاء الحب بين المــحبين  ويا كــود حــر الجمـر لامن وطيتيه إن كان قصدك بالجفى تحرق العين  فـدموعــها تشــــره على مـانويتيه مسكين قلبي مادرى عنك من حـين  يا عــــــزتي للي يحـــبك غـــدرتيه  فهد بن عبدالله الروضان التميمي 1991/10/15م

  يازيــن برق داخـــل العـين( يا ….) سبحان من اعـطى العيـونك تسـاعي يا بنت عقب الصمت جتني تقاسيـم  اعـزف على رمش العيـون الوسـاعي  فيك الوصـايف كامـله والمــراسيم وسيمة سـرعـوف بلـها الطبــــاعي  وجمــر    على ثلـجٍ    ياحــلا    المعازيم شفت الشهــد بين الثنـايا الــولاعي  يا طفلـــــة برقـا ويحـــلا ترانيــــم  يا اجمل بنات الخلق طيب ومساعي الشاعر/ فهد الروضان التميمي 2025/9/14م الأحد

  واحده   من   الأخوات   الشاعرات   والمتابعات   لي   على   تويترو الانستقرام احد الاخوات العفيفات ارسلت   لي   هذه   القصيدة   اتمنى   لها   التوفيق ورزق من واسع فضله    وصح   اللّٰه   لسانها   تمت مجاراتها من قبلي والشاعرة عباير  وصح السانهم جميع الله يحفظهم  تقول   الشاعره لي   يافهـــد   مـع   سـايق   الهـم   وقفات يالله   عسـاهـا   خيــرة   في   حيــــــاتي   واكــبر   حـزن   يا   حسرتي   مال   ميلات   بين   الضــلوع   وبين   نفســي   وذاتــي واصعب   حـزن   فيني   هلكني   بضريات معــاد   اميــز   من   انا   ومـن   صـــفاتي   تعب   الفقـر   نازل   على   الحــال   نزلات   مـثلي   مــثل   ذاك   الضـرير   بعصــاتي يا فهـد   تكفـاء   داوني   باجمــل   ابيات كــود...

  الله على الوسـمي إلى جــاك همّال برقـــه تلالا وإن كشـح يلمــع بزود وسط المزون المقبلة تحمل أحمال تفــرح قلـوب عبادك المسلمة زود عطـنا العطا والغيث والخــير يتّـال بأمـرك إلـه الملك يا واحــدٍ معبود لا هـل هملـوله بريح الهــوا مـــال ترقص بنات الهرش وتفرح به النود يا زين سيـل الشعب لا حـدّر وسـال تخضـر جيـلانه عقب مـا هي بسود صفـر الـدلال امبهّـراتٍ على الجـال ودخـان سمـرٍ ريحتـه ريحـة العـود صـوت النجـر لـه رنّةٍ تطــرب الفال كأنه ينادي الضيف يقلط على الجود الشاعر /فهد بن عبدالله الروضان التميمي 2012/11/28م