حائل عروس الشمال
نبارك لابن العم حمود بن حماد التميمي وأبناء العمومة كافة في حائل، فوز "مزرعة فراولة حائل" بجائزة مبادرة أمير المنطقة، وتكريمهم من قِبل سمو الأمير عبدالعزيز بن سعد بن عبدالعزيز.
هذا الفوز هو تتويج للجهد والمثابرة، ووسام فخر لنا جميعاً.
الشاعر: فهد بن عبدالله الروضان التميمي
حــائل كساها الحلو في كـل الأحـوالي
دارٍ كست طيبهــا والشــك بـه زايــــل
ســلام الــدار الكــرم والغيث همّــالي
تغـــري عيــون الـركايب والوفــا نايـل
ياحيث حــائل لكل الخـــير منهــــالي
سواعــد اعزومهـا لو طحت لك شــايل
حـــائل بهــــا عــزوةٍ للــدار ورجــالي
دار الشغاميــم وعقـــال الفخــر مايل
تاريــخ عـــز توارث بين الاجـــــــيالي
وبين الرعيــلة تشـوف الورد متمــــايل
مشـــار وعقــده بها رقـراق وظــــلالي
جـــوار حــاتم تـعـرف الطيب والنــايل
وتوارن اللي بهــا الأمجــــاد تـختـــالي
بحــرٍ من الـوجّـد يروي قـصة الرحـايل
نيــلات وعـذبة ذّهب من رملهـا الغالي
فـراولـــــــةٍ قطفــها تداوي العــــايل
يا حلـو طعــمٍ بهـا ذُوق الحلـو حــالي
تـشــفي غليــلٍ ضمـاه من العنـا طـايل
حمــراء تدلدل على الاغصان شــــيالي
افـرح بمحصـول ابو حـــماد ياشــــايل
كن الشجــر لا بسـات بـشوت وجــلالي
تضحك لها الأرض لو غيث السماء سايل
شِفت المــزارع ولــون الــورد يخــتالي
ســلّة غــذاء للوطـن والخــير متمـايل
أرض بها الخيــر دايم قــدرهـا عــالي
مـن حبهـا صـاغ نبض القلـب الأمثـايل
هذي عـروس الشمـال وطبـعها الغالي
تـنومس اللي نـواهـــا بالوعـد حـــائل
في جـوفها الطيب لا مرّت على البــالي
الشاعر /
فهد بن عبدالله الروضان التميمي
2025/12/28م الأحد
تعليقات
إرسال تعليق