ديوان الشاعر فهد بن عبدالله الروضان التميمي

  يا نديــم الــروح يا عـــذب النــبا هرجك اللي يشبه الصوت المــطر المشاعـر صوب حضـرتكم حــبـا في رياضٍ ريـحــها فـــاح العطــر حبكـم في وســط قلبي قـــد ربـا مثـل حب العــــود يرجع للصـغر لو يطـول الوقت شـٌوقي مــا كبـا انت نبـض القلب واغلى من النظر نترك لـشــانك هـروجٍ مــن غـبـا ما يكـــدر صـفونا طــول الدهــر يـاوليف في مـقـــامـه مـرحـــبـا لك بـصـدري عــز واحـلام وفخـر يـا ســليل الجـــود يـا ذرب النبـا فيك يزهى الشعر والمنطق سفـر الشاعر /  فهد بن عبدالله الروضان التميمي

  الوفـا يبغي رجـالٍ يمــدون الجـــــزال والمراجـل كـيد غمـــر يغــره مسكـنه ما يطول العز شخص من الشيمة خيال ولا يســود اللي علومــه تجيبـه تدفـنه الرفيق اللي يشــد الظهـر عند القتــال اذخــره ذخـر لزمـانك وعــزك مكـــنه والكريم اللي يصب الشحم فوق الدلال ما حسب كـم    الخساره حـــلاله يرهنه اشهد ان الطيب مـوهبة من رب الجلال والـردي لو طـال عمـره عيـوبه تسجـنه خـاو منهـو في اللوازم يهـدون الجـبال والضعيف اللي تهـــاون بحقـه العنــه ما يهـم الهـرج والقـال في كل الأحـوال الفعـــل يثبت لبيبٍ وعقــــله يوزنـــه والتميمي لا اعتـزى في ثقيلات الحــمل يرتكي للحمـــل مهــما زمـانه يمحــنه الشاعر /  فهد بن عبدالله الروضان التميمي 29 يناير 2026 م

  بخاريست رومانيا 2016م يـا مـن بـحسنه فــاق كـل التـواصيف فـي طـلـتــه هـيـبــه وذوق ووقـــارا ســواد لـبـســه زادة الـزيـن تشـريف مـثـل الـقـمــر لا جــاه لـيـلٍ ســتـارا والـعـيـن تسحـــــر دون أية تكـاليف خـضــرا مـثــل روضٍ بـغـيـثٍ تـمـارا وجــهٍ صـبـوحٍ مــا يـمــلّه عـــواريف كـن الـبـهــا في وجـنـتــه قــد تـوارا سبحــان من صـاغك بليـا تـواصــيف نـورٍ سـطـع مـــا بـيـن لـيـل ونـهــارا مـلكت عـرش الـزيـن كـلــه بـتكـليف وأصـبحت فـي عرش الجمـال المـنارا يا منـــوة الخاطـر وذكـرى المـواليـًف قـلـبي لـحـسـنـك سـاق كـل اعـتـذارا الشاعر/ فهد بن عبدالله الروضان التميمي 2016م بخاريست رومانيا

  اهداء خاص الى ابن العم  عبدالعزيز بن محمد الروضان التميمي  ورئيس لجنة الاعبين في الاتحاد الأسيوي  وكابتن المنتخب السعودي للرمايه بالسهام سق يا قصيدي من جزيلات الأفكار في مــدح حـرٍ شامـخٍ في هـــداده عبدالعزيز اللي لـه المجــد مسبار صوب الهـدف دايم يحقق مــراده حــرٍ ورامي بالسهــم نال الأنظــار مـن آسيـا خــذهابفعـل وشهــادة لــه رميتـه تسبق هبـوبٍ والإعصار كن السهــم طــوعٍ لكفـه وقـــاده واليـوم في منصب هـل العز والكار نـال الرئاســــة بالكفـو والسيـادة إتّحــادنا في يمنـاه زانت لـه الـدار أصبــح زعـيمٍ والريـادة عتـــــاده يا ابو محمــد الفخـر فيك يخـــتار سليل قــومٍ للعـلا هــم عمــــاده من صلب روضان النواصر ومعطـار أهل المفـاخر والظفـر والجــلادة تستاهل التمجيد والمــدح مـدرار قــرمٍ عـلى الـقمــة وثـبـّت وتـاده تميم هـامـة مضـر عــــزّ الأقطـار أصـل الوفــاء فيهـم وهل الريـادة تبقى ذرا للي من عنا الوقت محـتار جـودك بحـر يروي وتعطي مـداده تمت وصـلى الله على خـــير الأبـرار على النبي محمــد رسـول العبـادة الشاعر:  فهد بن عبدالله الروضان التميمي التاريخ: ...

أَيَا مـن في لحـاظك ألف خطبٍ وفي عينيــك مـأســــاةٌ تُكـتَبُ رَميتِ القلب في بحــر التمــني فصار الموج في صدري يَشغَبُ تَجــرعتُ الهـوى كأســاً مــراراً وغيري من رحيق الوصلِ يَشرَبُ أُداري الدمـع والآهــات ســــراً وقلبي في لظى الأشــواقِ حَطَبُ (لَو كان لي قَلبَانِ لعشت بـواحدٍ وتركت قلباً في هــواكِ يُعــذَّبُ) وَلَكن ليس لي في الحب اختيـارٌ فأين المفــر والآجــالُ تَقــــرَبُ سَـأبقى في ودادك رهــن قيـــدٍ وإن كان النـــوى صهـــراً يُذوِّبُ عَــذابي فيك يا ليـــلاي فخــــرٌ فكيف عــن الغــرام اليومَ أَتوبُ الشاعر/  فهد الروضان التميمي 

  انقضى عهــد المــواثيق وجملت بـان عــذر اللي نوى درب الرحـيل مـن مـرافي الـود بشـراعي رحلت الكـريم يعـاف ممشاك البخـــيل مــن مقامــك بالحنايا قــد نزلت والوفــا في منهـجي طبـــع أصيل كم عثرت بجور طبعك واحتمـلت وكـم عفـوت وقفـتي ظـل ظليــل مـا يفيــد العـد دامـني ان خذلت الجفــا يـا صاحـبي أكبـــر دليــل في رياض الصدق جيتك وانذهلت كيـف تســقي غرسـنا ســمٍ ذليل خــاف ربك بالمشــاعر لو جهلت القتيـل اللي مـن الصـدة قتيـــل طاب خاطر خافقي لو ني حصلت ما نويت اعـود عـن درب الرحـيل ما ندمت اني مـن الدنيــا نهــلت درس يعطي للـرجل عقـلٍ ثقيــل عن دروب الـذل في نفسي جفلت والكـرامـة مـا لها عنــــدي بديل الشاعر / فهد بن عبدالله الروضان التميمي

  يـا صـاح لـو قلبي من البعــد ظميان صـبري على الشــدات ســـر نجاحي أدري الهــوى لـه بين الأضلاع ميسان أنـا عـزيز نفسٍ عطـب الجـــــناحي مـا عـاد يغــرينا مع التّــرف خـذلان لو هو يصب القلـب في السـط راحي قل للجميل اللي سكن وسـط الأعيان نـور الأمـل مـن عقــب الهجــر لاحي الحـب فعـل وطيبٍ نطــق وبرهــان مـا هـو كـلام يطـير مـع كل ضــاحي مــن صـد عنـا مـا حسـبنا لـه أثمان أسـجى عليـه ســدٍ وقت الصبــاحي أقفيت والذكــرى لها الحين نســيان بنيت مـن عــزمي حصـون وكفــاحي مــن لا يقـدر عشــرتي كان مــن كان يغيب مـا يلقى بصــدري سمــــاحي شمس الضحى تشرق على كل بستان والــحق نوره في سمـا المجــد لاحي الشاعر /  فهد بن عبدالله الروضان التميمي 2017/11/28م