قصيدة كف الملام
كف المــلام وكف نـزف المـشــاريك
والحي يلقى في حـيــاته مـقـــــامه
اقفيت عن طــرد الهـوى والتشـابيك
يـوم الوفــا غـــطى جـبينـه لثـــامه
قلـبي عـزيزٍ عــن دروب الصعـاليــك
والحـــر مثـلي مـا يـنكس وســــامه
غـــرّك زمـانك في مـتاهـة مـهــاليك
حتى ســـكن جـوف الحـنايا انقسامه
لا تحسب اني في قصيــدي بـنــاديك
جـفت بحـور الشـوق عقب المــلامه
صــرح الغـرام اللي سـكن في مغاليك
هــدّته يـمــناك وذعـــذع عـســامه
لا تـتصل مــا عــاد قـلبي بـحـــاويك
ســـدّيت بـابٍ مـــا يـرجــع غـــرامه
رقمي غــدى مـجهول والبعـد ينهيك
والمعـــرفة لا صـار فيهــا هـضــامه
يا كـم سـترت بـخاطري من مـساويك
واليـوم بـان الـغـدر واشـرق ظـــلامه
خلك مـع اللي في طــريقه يـماشيــك
ذق مـــر كـاسٍ قــد مــــزجت إدامه
بـعت الـــوداد وبـعت نـاسٍ تــداريك
وراع الـخيــانه مـا يـحصـل كــــرامه
الشاعر /
فهد بن عبدالله الروضان التميمي
سناب شات: f515f@
تعليقات
إرسال تعليق