مرات العبق والتاريخ

ســلام الله على داري ســلام يبهـج  الخــطار 

عروسٍ بالوشم تاصف بضلع كميت عن غيره

مـرات العبق والتاريخ مدينـة تلفت  الأنظـار

مـرات الماضي يتجـدد لها ذكرى ولها سـيره

رجعـنا في زمـان أول يا ليت أمــواتنا حَـضَّار

وتجـمعنا بهم لحظـة  تزيــد البيت تنــويره

ترى الماضي بنا الحاضـر ويبقى للزمن تذكار

ويوم إحـنا بنيناهـا ذكـرنا الحــي  والـجـيره

تأملنــا معــالمـها وحـلت عبــرة  المحــتار

وضاق الصـدر يوم إحنا فقـدنا لمـة  الــديره

هلا يا سوقنا  المجلس هلا يا رجعة  الا عمار

هلا يا عودة المـاضي  حـياته عقب  تهجـيره

نشوف كميت يذكّـرنا بأهلنا وناسنا  الأخـيار

وغـديرٍ حـوله أثلاته قـــراح ماه من   خـيره

بنوها أجدادنا عبـر الزمـان وقـوة  الإصــرار

قلوبٍ  تجتمع فيها الحـياة وطيّبة   السـيره

دعينـا الله يا منـا  عليـمٍ  خــافي  الأســـرار

وترحم من دفن فيـها وتزيد القبـر  تعطيره

الشاعر /

فهد بن عبدالله الروضان التميمي

الأحد 2025/8/17م