مجاراة مجموعة شعراء
_________مجاراة
*المرجله ،، للي فعوله عجوله*
*القايد اللي ،، للمهمّات شيّال*
*من يطلع القدية سهل نزوله*
*ومنول طلوعها بالقد وحبال*
*ناصر العاصم*
____________مجاراة
مثلك يعرف الناس والصدق اقوله
ماكل من عنده شنب صار رجال
ياسعد من ذكره يفاخر فعوله
طيب ووفاء مع جود لوكان حمال
بنت تميم
__________مجاراة
ما كل من فعل المراجل بقوله
ينالها يالفهد ويقال رجال
درب المراجل يالتميمي يطوله
من يذكر بطيبه ولاهوب يحتال
الشاعر /
عبدالمحسن بن جارالله العضيب
محب مرات / الزلفي
__________مجاراة
قولو لمن يبغى يجمل فعوله
ياكل بيمنى طيب قوله والأفعال
ومن ياكل بيسرا خسر كل جوله
لاينفعه جاه ومحاسيب واموال
ابو عبدالعزيز الفرحان
—————مجاراة
معك يابو سلطان باللي تقوله
والمرجلة ماهي على كل رجال
الطيب صغب (ن)كل نفس تطوله
وهايب للرب تارثه الأجيال
محب مرات /الزلفي
سليمان الخميس
___________مجارة
ميزان جود الرجل فعله وقوله
ولا يستوي قاعد وناهض بالافعال
ولا تنبهر بالرجل عرضه وطوله
لا صار ماهو للثقيلات حمال
سعد ابن مرشد الدوسري
الافلاج
____________ مجاراة
يبين فعل الرجل منذ الطفوله
والطيب مايشرى بدينار وريال
و المرجله ماهي فلوس وعموله
المرجله قمه على روس الاقذال
ومن يصعد القمه قليل اللي حوله
والقاع مليان برديين وانذال
حكمه وشجاعه والكرم والحموله
هذي السياده تجتمع باربع خصال
ناصر الضبيب
ابوطلال
_____ صح الله لسان كل من جاراني وبيض الله وجيهكم وتبقي المراجل لها اصولها لا يعرفها الى من تعلم المرجله من اسلافه من الرجال
دمتم بخير فهد بن عبدالله الروضان التميمي
تعليقات
إرسال تعليق